Молитва Пресвятой Троице всемогущая и животворящая

Агафья/ автор статьи

Один из самых значимых праздников 🌟 в православии – празднование Святой Троицы, 🌿 называемый Пятидесятницей. 🚩 В этот день в честь Пресвятой Троицы ➫ во всех церквях звучат особые песнопения 🎵 и молитвенные обращения.

Пресвятая и Животворящая Троице спаси нас

Три молитвы в День Святой Троицы

Первая молитва

Пречисте, нескверне, безначальне,
невидиме непостижиме, неизследиме,
непременне, непобедиме, неизчетне,
незлобиве Господи, един имеяй безсмертие,
во свете живый неприступном,
сотворивый небо и землю, и море,
и вся созданная на них, прежде еже просити,
всем прошения подаваяй, Тебе молимся,
и Тебе просим, Владыко Человеколюбче,

Отца Господа и Бога и Спаса нашего Иисуса Христа,
нас ради человеков,
и нашего ради спасения сшедшаго с небес,
и воплотившагося от Духа Святаго и Марии Приснодевы,
и Преславныя Богородицы,
Иже первее убо словесы уча,
последи же и делы показуя,
егда спасительную страсть претерпе,
подаде нам подписание смиренным,
и грешным, и недостойным рабом Твоим,
мольбы приносити Тебе,
в выи и колен преклонениих,
о своих гресех, и о людских неведениих.

Сам Многомилостиве и Человеколюбче,
услыши ны, воньже аще день призовем Тя,
изряднее же в день сей пятдесятный,
воньже по Вознесении Господа нашего Иисуса Христа на небеса,
и седении одесную Тебе Бога и Отца,
низпосла Святаго Духа на святыя Своя ученики и апостолы,
Иже и седе на едином коегождо их,
и исполнишася вси неистощимыя благодати Его,
и глаголаша языки иными величия Твоя, и прорекоша.

Ныне убо молящихся Тебе, услыши нас,
и помяни нас, смиренных и осужденных,
и возврати пленение душ наших,
Твое милование имея о нас молящееся.

Приими нас, припадающих Тебе,
и вопиющих: согрешихом,
к Тебе привержени есмы от утробы,
от чрева матере нашея, Ты еси Бог наш.

Но яко исчезоша в суете дние наши,
обнажихомся Твоея помощи,
лишихомся всякаго ответа,
но дерзающе на щедроты Твоя, зовем:
грехи юности нашея и неведения не помяни,
и от тайных наших очисти нас,
и не отрини нас во время старости,
внегда оскудети крепости нашей, не остави нас,
прежде даже нам в землю не возвратитися,
сподоби к Тебе возвратитися,
и вонми нам благоприятием и благодатию.

Возмери беззакония наша щедротами Твоими,
сопротив постави бездну щедрот Твоих
множеству согрешений наших.

Призри с высоты святыя Твоея Господи,
на предстоящия люди Твоя,
и чающия еже от Тебе богатыя милости.

Посети нас благостию Твоею,
избави нас от насильства диаволя,
утверди живот наш святыми Твоими и священными законы.

Ангела, верна хранителя пристави людем Твоим,
всех собери в Твое Царствие.
Даждь прощение уповающим на Тя,
остави им и нам грехи.

Очисти нас действом Святаго Твоего Духа,
разруши яже на нас козни вражия.

К первой молитве присоединяется еще эта:

Благословен еси Господи Владыко Вседержителю,
просветивый день светом солнечным,
и нощь уяснивый зарями огненными,
долготу дневную преити нам сподобивый,
и приближитися начатком нощи,
услыши моления наша, и всех людей Твоих,
и всем нам простив вольныя и невольныя грехи.

Приими вечерняя наша моления,
и низпосли множество милости Твоея,
и щедроты Твоя на достояние Твое.

Остени нас святыми ангелы Твоими,
вооружи нас оружием правды Твоея,
огради нас истиною Твоею,
соблюди нас силою Твоею,
избави нас от всякаго обстояния,
всякаго навета сопротиволежащаго.

Подаждь же нам и настоящий вечер,
с приходящею нощию, совершен, свят мирен,
безгрешен, безсоблазнен, безмечтанен,
и вся дни живота нашего, молитвами святыя Богородицы,
и всех святых от века Тебе благоугодивших.

Вторая молитва

Господи Иисусе Христе Боже наш,
мир Твой подавый человеком,
и Пресвятаго Духа дар,
еще в житии и с нами сый,
в наследие неотъемлемое верным присно подаваяй,
явленнейше же сию благодать
Твоим учеником и апостолом днесь низпославый,
и сих устне огненными утвердивый языки,
имиже весь род человеческий боговедение
своим языком в слух уха приимше,
светом Духа просветихомся,
и прелести якоже тмы изменихомся,
и чувственных и огненных язык раздаянием,
и преестественным действом,
еже в Тя веры научихомся,
и Тебе богословити со Отцем и Святым Духом,
во едином Божестве, и силе, и власти озарихомся.

Ты убо Отчее сияние,
существа и естества Его неизменное
и недвижимое начертание,
источниче премудрости и благодати,
отверзи и мне грешному устне, и научи мя,
како достоит, и о ихже потреба молитися,
Ты бо еси ведый многое грехов моих множество,
но Твое благоутробие победит сих безмерное.

Се бо страхом предстою Ти,
в пучину милости Твоея отчаяние души моея поверг,
окорми живот мой словом всю тварь
неизреченною премудрости силою управляяй,
тихое обуреваемых пристанище,
и скажи ми путь, воньже пойду.

Дух премудрости Твоея моим подаждь помышлением,
Дух разума безумию моему даруяй,
Духом страха Твоего моя осени дела,
и Дух Правый обнови во утробе моей,
и Духом Владычним мыслей моих поползновение утверди,
да на всяк день Духом Твоим Благим
к полезному наставляемь,
сподоблюся творити заповеди Твоя,
и Твое присно памятствовати славное пришествие,
и истязательное содеянных нами.

И да не презриши мя тленными
сопрельщатися мира сего красными,
но будущих восприятия желати укрепи сокровищ.
Ты бо рекл еси, Владыко,
яко елика аще кто просит о Твоем имени,
невозбранно приемлет от Твоего присносущнаго Бога и Отца.

Темже и аз грешный в пришествии
Святаго Твоего Духа, Твою молю благость,
елика просих, воздаждь ми во спасение.

Ей Господи, всякаго благодеяния богатый дателю,
и подателю Благий, яко Ты еси подаваяй
преизобильно ихже просим,
Ты еси сострадателен и милостивый,
Иже безгрешно быв плоти нашея общник,
и приклоняющим к Тебе колена,
приклоняяйся любоблагоутробне,
очищение же быв грехов наших.

Даждь убо Господи, людем Твоим щедроты Твоя,
услыши нас с небесе святаго Твоего,
освяти нас силою спасительныя десницы Твоея,
покрый нас кровом крилу Твоею,
да не презриши дел руку Твоею.

Тебе единому согрешаем,
но и Тебе единому служим.

Не вемы кланятися богу чуждему,
ниже простирати руки наша,
Владыко, к богу иному.

Остави нам согрешения,
и приим наша коленопоклонная моления,
простри всем нам руку помощи,
приими молитву всех яко кадило приятное,
восприемлемое пред Твоим преблагим Царством.

Присоединяем же и эту молитву:

Господи Господи,
избавлей нас от всякия стрелы летящия во дни.

Избави нас и от всякия вещи во тьме преходящия.

Приими жертву вечернюю рук наших воздеяния.

Сподоби же нас и нощное поприще
без порока прейти неискушены от злых.

И избави нас от всякаго смущения и боязни,
яже от диавола нам прибывающия.

Даруй душам нашим умиление,
и помыслом нашим попечение,
еже на страшнем и праведнем Твоем суде испытания.

Пригвозди страху Твоему плоти наша,
и умертви уды наша сущия на земли.

Да и сонным безмолвием просветимся,
зрением судеб Твоих.

Отыми же от нас всякое мечтание
неподобное и похоть вредну.

Возстави же нас во время молитвы
утверждены в вере,
и преспевающия в заповедех Твоих.

Третья молитва

Приснотекущий, животный,
и просветительный источниче,
соприсносущная Отцу содетельная сило,
все смотрение за спасение
человеческое прекрасне исполнивый,
Христе Боже наш, смерти узы неразрешимыя,
и заклепы адовы расторгнувый,
лукавых же духов множество поправый.

Приведый Себе о нас непорочное заколение,
и тело давый пречистое в жертву,
всякаго греха неприкосновенное же
и непроходное, и страшным сим,
и неисповедимым священнодействием
живот нам вечный даровавый,
во ад сшедый, и вереи вечныя сокрушивый,
и во тме седящим восход показавый,
началозлобнаго же и глубиннаго змия
богомудростным льщением уловивый,
и веригами мрака связавый в тартаре
и огни негасимом, и во тме кромешней
неисчетносильною Твоею затвердивый крепостию,
великоименитая Премудросте Отчая,
напаствуемым великий помощник явивыйся,
и просветивый седящия во тме и сени смертней.

Ты славы присносущныя Господи,
и Отца Вышняго Сыне возлюбленный,
присносущный Свете от присносущнаго Света,
Солнце правды, услыши нас, молящихся Тебе,
и упокой души рабов Твоих,
прежде усопших отец и братий наших,
и прочиих сродник по плоти,
и всех своих в вере,
о нихже и память творим ныне,
яко в Тебе всех держава,
и в руце Твоей содержиши вся концы земли.

Владыко Вседержителю, Боже отец
и Господи милости, рода смертнаго же
и безсмертнаго, и всякаго естества
человеческаго Содетелю, составляемаго же,
и паки разрешаемаго, живота же и скончания,
еже зде пребывания, и еже тамо преложения,
лета измеряяй живым, и времена
уставляяй смерти, низводяй во ад и возводяй,
связуяй в немощи, и отпущаяй в силе,
настоящая потребне строяй,
и будущая полезно управляяй,
смертным жалом уязвенных
воскресения надеждами веселяяй.

Сам убо Владыко всех, Боже Спасителю наш,
надежде всех концев земли,
и сущих в мори далече,
Иже и в сей последний и великий
спасительный день Пятдесятницы праздника,
тайну Святыя и Единосущныя,
и соприсносущныя, и неразделимыя,
и неслиянныя Троицы показавый нам,
и наитие и пришествие Святаго
и Животворящаго Твоего Духа,
в виде огненных языков на святыя Твоя
апостолы излиявый, и благовестники
тех поставивый, благочестивыя нашея веры,
и исповедники и проповедники
истиннаго богословия показавый.

Иже и в сей всесовершенный
и спасительный праздник,
очищения убо молитвенная,
о иже во аде держимых сподобивый приимати,
великия же подаваяй нам надежды
ослабления содержимым от содержащих я скверн,
и утешению Тобою низпослатися.

Услыши нас, смиренных, и Твоих раб
молящихся Ти, и упокой души рабов Твоих,
прежде усопших, на месте светле,
на месте злачне, на месте прохлаждения,
отонудуже отбеже всякая болезнь,
печаль и воздыхание и учини духи их
в селениях праведных, и мира
и ослабления сподоби их,
яко не мертвии восхвалят Тя,
Господи, ниже сущии во аде
исповедание дерзнут принести Тебе,
но мы, живии, благословим Тя и молим,
и очистительныя молитвы и жертвы
приносим Тебе о душах их.

Присоединяем же и эту молитву:

Боже великий, и вечный, Святый,
человеколюбивый, сподобивый нас
в сей час стати пред неприступною
Твоею славою, на пение и хвалу чудес Твоих,
очисти ны недостойныя рабы Твоя,
и подаждь благодать еже сокрушенным сердцем,
невозносительно приносити
Тебе Трисвятое славословие,
и благодарение великих Твоих даров,
яже сотворил еси к нам, и твориши всегда в нас.

Помяни Господи немощь нашу,
и да не погубиши нас со беззаконии нашими,
но сотвори великую милость со смирением нашим,
да греховныя тмы избежавше,
во дни правды ходити будем,
и одеявшеся оружием света,
ненаветно пребудем от всякия козни
лукаваго, и со дерзновением прославим о всех,
Тебе единаго истиннаго и Человеколюбца Бога.

Твое бо яко воистинну и великое
вресноту таинство, Владыко всех,
и Творче, временное решение Твоих
тварей, и еже по сих совокупление,
и упокоение еже во веки.

Тебе благодать о всех исповедуем,
о входех наших, яже в мир сей,
и исходех, надежды нам воскресения,
и жизни нетленныя, Твоим неложным
обещанием предобручают, яже приимем
в будущем втором пришествии Твоем.

Ты бо еси и воскресения нашего Начальник,
и поживших неумытный и человеколюбивый Судия,
и мздовоздаяния Владыка и Господь,
Иже и приобщивыйся нам приискренно
плоти и крове, снизхождения ради крайняго,
и наша страсти неотметныя,
внегда волею во искус поставити,
приим за милосердие щедрот,
и в немже пострадал еси Сам искусився,
искушаемым нам быв самообещанный помощник,
темже и совозвел еси нас в Твое безстрастие.

Приими убо Владыко, мольбы и моления наша,
и упокой вся отцы коегождо, и матери,
и чада, и братию, и сестры единородныя,
и купнородныя, и вся прежде почившия души,
в надежди воскресения жизни вечныя
учини духи их, и имена в книзе животней,
в недрех Авраама, и Исаака, и Иакова,
в стране живых, в Царствии Небеснем,
в раи сладости, светлыми ангелы Твоими,
вводя вся во святыя Твоя обители,
совоздвизаяй и телеса наша в день,
воньже определил еси по святым
Твоим и неложным обетованием.

Несть убо Господи, рабом Твоим смерть,
исходящим нам от тела, и к Тебе Богу
нашему приходящим, но преставление
от печальнейших на полезнейшая, и
сладостнейшая, и на упокоение и радость.

Аще же и что согрешихом к Тебе,
милостив буди нам же и тем,
зане ниедин есть чист пред Тобою от скверн,
ниже аще един день живота его есть,
разве Ты точию един,
на земли явивыйся безгрешный
Господь наш Иисус Христос,
Имже вси уповаем милость получити,
и оставление грехов.

Сего ради нам же и онем,
яко Благ и Человеколюбец Бог,
ослаби, остави, прости грехопадения наша,
вольная и невольная,
яже в ведении и не в ведении,
предъявленная и забываемая,
яже в деянии, яже в помышлении,
яже в словеси, яже во всех наших житиях
и движениих.

И отшедшим убо свободу и ослабу даруй,
нас же сущих зде благослови,
конец благий и мирный даруя нам же
и всем людем Твоим, и милости
и человеколюбия утробу отверзаяй нам,
на страшном и ужасном Твоем пришествии,
и Царствия Твоего достойных нас сотвори.

Присоединяем же и эту молитву:

Боже великий и вышний,
едине имеяй безсмертие,
во свете живый неприступном,
всю тварь мудростию создавый,
разделивый посреде света, и посреде тмы.
И солнце убо положивый во область дне,
луну же и звезды во область нощи.

Сподобивый нас, грешных,
и в настоящий день предварити лице
Твое во исповедании, и вечернюю Тебе
службу принести.

Сам Человеколюбче Господи,
исправи молитву нашу,
яко кадило пред Тобою,
и приими ю в воню благоухания.

Подаждь же нам настоящий вечер
и приходящую нощь мирну,
облецы ны оружием света, избави
нас от страха нощнаго,
и от всякия вещи во тме преходящия.

И даруй нам сон, иже во упокоение
немощи нашей даровал еси,
от всякаго диавольскаго мечтания изменен.

Ей Владыко, всех благих подателю,
яко да и на ложах наших умиляющеся
воспомянем и в нощи пресвятое имя Твое.

И поучением Твоих заповедей озаряеми,
в радости душевной востанем к славословию
Твоея благости, молитвы и моления
Твоему благоутробию приносяще о своих гресех,
и о всех людех Твоих, ихже молитвами
Пресвятыя Богородицы, в милости посети.

На праздник Святой Троицы

Один из самых значимых праздников в православии – празднование Святой Троицы, называемый Пятидесятницей. В это день в честь Пресвятой Троицы во всех церквях звучат особые песнопения и молитвенные обращения.

Верующие произносят слова благодарности Господу за оказанную помощь и за все, что имеется у человека на данный момент.

Благодарственная молитва, текст которой приведен ниже, читается на Пятидесятницу:

«Во имя Отца-Бога, Сына и Духа
Святаго молим о всепрощении и
помиловании в день светлый и праздничный.

Трижды Единый Отец наш небесный,
возносим слова радости в этот
праздничный день, находимся в доме
Твоем и кланяемся образам в надежде
на наставление и избавление
от болезней и грехов,
наши души отягощающих.

Провозглашаем веру истинную
да передаем из уст в уста слова
благодарности за жизни наши
в добре и милости Твоей.

Молимся за каждого на земле живущего,
под Твоим взором обитающего.

Благослови, Господи, на жизнь
праведную в милости и благости.

Дай нам, Боже, прожить ее в почитании
Тебя да в воспитании детей по заветам
Твоим неоспоримым и единственно праведным. Аминь».

Для исполнения заветного желания

При обращении к Всевышнему можно просить об исполнении желаний. Но нельзя молиться о получении материального благосостояния.

Пресвятую Троицу просят исполнить душевные потребности. Девушки могут молиться о том, чтобы встретить суженого, забеременеть. Обращаются также с просьбой об оказании помощи близкому человеку, об осуществлении душевных нужд.

Текст молитвы об исполнении желания звучит следующим образом:

«Пресвятая Троице, единосущная Державо,
всех благих Вина, что воздадим Тебе за вся,
яже воздала еси нам грешным и
недостойным прежде, неже на свет
произыдохом, за вся, яже воздаеши
коемуждо нас по вся дни, и яже
уготовала еси всем нам в веце грядущем!

Подобаше убо, за толикия благодеяния
и щедроты, благодарити Тя не словесы точию,
но паче делы, храняще и исполняюще
заповеди Твоя: мы же, страстем нашим
и злым обычаем внемше, в безчисленныя
от юности низвергохомся грехи и беззакония.

Сего ради, яко нечистым и оскверненным,
не точию пред Трисвятое лице Твое
безстудно явитися, но ниже имени
Твоего Пресвятаго изрещи довлеяше нам,
аще бы не Ты Сама благоизволила,
во отраду нашу, возвестити,
яко чистыя и праведныя любящи,
и грешники кающияся милуеши и
благоутробне приемлеши.

Призри убо, о Пребожественная Троице,
с высоты Святыя Славы Твоея на нас,
многогрешных, и благое произволение наше,
вместо благих дел, прииими;

и подаждь нам духа истиннаго покаяния,
да возненавидевше всякий грех,
в чистоте и правде, до конца дней наших
поживем, творяще пресвятую волю Твою
и славяще чистыми помыслы и благими
деяньми сладчайшее и великолепое имя Твое. Аминь».

Об исцелении и выздоровлении

Чаще всего православные христиане обращаются к Святой Троице с просьбой об исцелении, даровании здоровья. Чудодейственную молитву может читать сам больной или его близкие.

Молитва о здравии и исцелении:

«О премилосердый Боже, Отче,
Сыне и Святый Душе, в нераздельной
Троице поклоняемый и славимый,
призри благоутробно на раба Твоего (имя),
болезнею одержимаго;

отпусти ему вся согрешения его;

подай ему исцеление от болезни;

возврати ему здравие и силы телесныя;

подай ему долгоденственное и
благоденственное житие,
мирные Твои и примерные блага,
чтобы он вместе с нами приносил
благодарные мольбы Тебе,
Всещедрому Богу и Создателю моему.

Пресвятая Богородица, всесильным
заступлением Твоим помоги мне умолить
Сына Твоего, Бога моего,
об исцелении раба Божия (имя).

Все святые и ангелы Господни,
молите Бога о больном рабе Его (имя). Аминь».

Чтобы бросить курить

Многие люди, желая избавиться от пагубных привычек, не могут сделать это самостоятельно. Обращение к Троице с просьбой о спасении и помиловании грешника дает силы преодолеть пристрастие к вредным привычкам.

Молитвенный текст, помогающий бросить курить:

«О премилосердный Боже, Отче,
Сыне и Святьш Душе, в Нераздельней
Троице покланяемый и славимый,
призри благоутробно на раба Твоего (имя),
болезнию одержимаго;

отпусти ему вся согрешения его;

подай ему исцеление от болезни;

возврати ему здравие и силы телесные;

подай ему долгоденственное и
благоденственное житие,
мирные Твой и премирные блага,
чтобы он вместе с нами приносил
благодарные мольбы Тебе,
Всещедрому Богу и Создателю нашему. Аминь».

О всякой помощи

Обратиться к Пресвятой Троице можно с помощью универсальной молитвы. Ее читают при необходимости получить любую помощь и отсутствии возможности справиться с проблемой собственными силами.

Слова священного текста о всякой помощи:

«Пресвятая в веках Троица Небесная,
помилуй нас, грешных.

Господи, очисти души наши от грехов
и сквернословия, прости нам беззакония,
нами творимые, да направи светом
Божьим на путь праведный и безгрешный.

Молим о прощении и помиловании Тебя,
Трижды Единый Правитель и
Властитель душ наших. Аминь».

От монаха Марка

Монах Марк Подвижник, ученик Иоанна Златоуста, написал множество богословских сочинений. Одним из духовных писаний Преподобного является молитва Пресвятой Троице, помогающая верующим избавиться от греховных помыслов, приблизиться к познанию Господа.

Текст молитвы, составленной монахом Марком:

«Всемогущая и Животворящая Святая
Троица и Начало света, всё творение,
то, что в мире сем и превыше мира,
по единой благости изведшая из
небытия и промышляющая о нем,
и сохраняющая, и, кроме прочих
Твоих неизреченных благодеяний
к роду земному, покаяние до смерти
ради немощи плоти нам даровавшая!

Не оставь нас, несчастных, умереть
в наших злых делах, и да не будем
посмешищем начальнику зла, и завистнику,
и губителю;

ибо видишь Ты, Милосердный, и то,
как сильны козни и вражда его против нас,
и какова наша страстность,
и слабость, и небрежение.

Но неоскудевающие Твои благодеяния
соверши над нами, молим мы,
на всякий день и час прогневляющие
Тебя нарушением Твоих священных и
животворящих заповедей.

Итак, все согрешения наши,
во всей нашей прошлой жизни
и до нынешнего часа в делах,
или словах, или помышлениях отпусти и прости.

Удостой же нас оставшуюся жизнь
окончить в покаянии, и сокрушении,
и соблюдении святых Твоих повелений.

Если же мы, прельстившись наслаждениями,
многообразно согрешили,
или провели время, соблазнившись
мерзкими пожеланиями, бесполезными и вредными;

если, движимые гневом и яростью неразумной,
какого-либо брата нашего оскорбили,
или из-за языка нашего опутаны были
сетями неизбежными, неправыми и крепкими;

если каким-либо из чувств наших,
или всеми ими, вольно или невольно,
в ведении или в неведении, в увлечении
или преднамеренно преткнулись безумно;

если же злыми и суетными
помыслами совесть осквернили;

или если каким-либо другим образом
согрешили, понуждаемые склонностью
и привычкой к злу, прости нам
и отпусти всё, Всещедрый,
Преблагой и Многомилостивый,
и даруй нам на будущее бодрость и силу,
чтобы творить волю Твою, добрую,
и благоугодную, и совершенную,
чтобы от ночного и мрачного зла
изменившись световидным покаянием и,
как днём поступая благообразно, мы,
недостойные, очищенными явились Твоему
человеколюбию, воспевая Тебя и величая вовеки. Аминь».

Помилуй нас

Блок молитвенных текстов, читаемых ежедневно, утром и вечером, включает в себя начальную молитву «Помилуй нас, святый Бессмертный». Желательно выучить ее наизусть. В ней верующие сначала обращаются ко всей Святой Троице одновременно, а затем к каждому по отдельности – Отцу, Сыну, Святому Духу.

Текст молитвы:

«Святый Боже, Святый Крепкий,
Святый Безсмертный, помилуй нас.

Слава Отцу и Сыну и Святому Духу,
и ныне и присно и во веки веков. Аминь.

Господи, очисти грехи наша;

Владыко, прости беззакония наша;

Святый, посети и исцели немощи наша,
имене Твоего ради.

Слава Отцу и Сыну и Святому духу
и ныне и присно и во веки веков.

Господи, помилуй».

Молитва иная Пресвятой Троице

Всемогущая и Животворящая Святая Троице,
и Светоначальная, яже всякую и
премирную тварь за едину благость
от не сущих приведый, и промышляя,
и содержащи, иже по прочих Твоих
неизреченных о земнем роде благодеяниих,
и покание нам ради плотскаго
неможения до смерти даровавый!

Не остави нас, окаянных, в лукавых
наших деяниих умрети, ниже злоначальнику
и завистцу, и губителю посмешество быти.

Зриши бо, Благосерде, елик убо
онаго на нас навет и вражда,
елико же и наше страстование,
и слабость, и небрежение. Но неоскудныя

Твоя благости соделай на нас,
молим на всякий день и час прогневающии
Тя честных и животворных
заповедей преступлением.

И вся убо всего прешедшаго живота
нашего и до нынешняго часа
согрешенная нами в деяниих,
или глагол а-ниих, или в помышлениих,
остави и прости.

Сподоби же нас прочее скончати
житие в покаянии и умилении и
соблюдении святых Твоих повелений.

Аще убо сладостию прельстившеся,
многообразне согрешихом,
или мерзкими похотьми,
неполезными и вредными,
обольстившеся препроводихом;

аще гневом и яростию подвигшеся
безсловесною, кого брата нашего оскорбихом;

аще языком неизбежных и стропотных
и крепких сетей обязахомся;

аще коим чувств наших и всеми,
волею или неволею, ведуще или неведуще,
от восхищения или поучения безумно поползохомся;

аще же лукавыми помыслы и
суетными совесть осквернихом;

аще ли коим другим образом прегрешихом,
от предприятия и обычая томими зело,
прости нам и остави вся, Всещедре,
Преблаже и Многомилостиве,
и даруй нам прочее бодрость и силу,
во еже творити волю Твою, благу и
благоугодну, и совершенну,
да нощнаго и мрачнаго зла световидным
покаянием пременьшеся, и яко во дни
благообразно ходяще и очищени
обявимся человеколюбию Твоему недостойнии,
воспевающе Тя и величающе во веки. Аминь.

Рейтинг
( 1 оценка, среднее 5 из 5 )
Понравилась статья? Поделиться с друзьями:
Комментарии: 23
  1. Вера

    Очень хорошая публикация. Спасибо Вам. Дай БОГ Вам здоровья. С Пресветлым праздником Вас.

  2. Лариса

    Спасибо Вам! Дай Бог Вам здоровья, света, разума, счастья!

  3. Наталья

    С великим и светлым праздником Святой Троицы, здоровья, милости Божей, радости, мира, любви и доброты Всем. Спасибо за прекрасные и очень необходимые молитвы.

  4. Нина

    Спасибо за просветление душ наших, ибо от незнания мы творим неблаговидные дела. Бог в помощь для благих дел.

  5. Рафаэлла

    Благодарю вас , прочитала молитвы . Сердце и душа просили и так легко и хорошо стадо . Храни вас Господи.

  6. Serafima Nepobedimaya

    Да будет так!!! Откроются все мои дороги во благо Господа!!!! Спасибо создателю! Подписка! А засранцев, ко опыт решили в комментариях порочить Иисуса Христа , Господа моего , единого и неповторимого гоните вон!!!!

  7. Vera Волошина

    Пресвятая Троица, помилуй нас! Ниспошли исцеление рБ Наталии от тяжкого недуга.Аминь.

  8. Людмила Мила

    Господи исцели меня от недуга рабу Людмилу, спаси сохрани, Аминь, Аминь Аминь!

  9. Галина Богословская

    Пресвятая Троица! Молю Тя о здравии и благополучии отрока Льва, отрока Дмитрия, отроковицы Дарьи, б. Елены, Льва, Олега, Светланы с младенцем, плодоносящей Емилии, б. Галины и всех сродников по плоти и крови!+

  10. Nina Nina

    Святой Боже подай мне исцеление от болезни.Спаси и сохрани моих детей и близких от всякой болезни.

  11. Нина Киселева

    Благодарю!!!🙏🙏🙏💐💐💐

  12. Елена Гусева

    Спасибо Вам большое

  13. Геннадий Бугаев

    Пресвятая Троица! Триединый Триипостасный Бог Отец Бог Сын Бог Дух святой! Буди с нами во веки веков! Аминь.

  14. Татьяна

    Пресвятая Троице, помилуй нас.

  15. Людмила Кленина

    Пресвятая Троица прости и сохрани наши души грешные, укрепи творить святую волю твою! Благодарю за проникновенное чтение! Низкий всем поклон!

  16. Nicolae

    Святая. Троица прости нас грешных помилуй спаси сохрани и огради от бед и несчастий и от врагов очисть нас. Молите. Бога о нас !!! Слава. Отцу и. Сыну и святого. Духа. Амин амин амин

  17. Марія Фіцай

    Присваятая Тройце Будь помощницей в моей жизни р.б. Марии . Аминь

  18. Юрий Зибров

    Пресвятой Живоначальной Троице молимся: спаси, сохрани и помилуй нас грешных, детей моих, внуков, крестников, братьев, сестёр, близких рода моего, други и всех православных христиан. Аминь.

  19. МАРИАННА АФАНАСЬЕВА

    Пресвятая Троица помоги мне найти работу и встретить хорошего человека для создания семьи. Аминь

  20. Lusia Stell

    Святый Боже,Святый Крепкий,Святый Бесмертный помилуй нас !!!

  21. Любовь Леонтьева

    Пресвятая и Животворящая Троица, наполни меня Своей Животворящей Силой! Укрепи дух мой и мышцу мою, огради от всяких бед и напастей от видимых и не видимых врагов и злых духов. Прости меня и прими меня, не по делам моим суди меня , а по Великой Твоей милости ПОМИЛУЙ!!!

  22. Нина Смолянинова

    Слава Пресвятой и Животворящей Троице за все Слава Вечная.Сохрани нас Пресвятая Животворящая Троица Своей Благодатию.

  23. Юлия Лещенко

    Душа радуется, благодарю Вас

Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: