Молитва перед иконой Покрова Пресвятой Богородицы

Искренняя молитва 🌿 — залог того, что Господь вложит в ваше сердце 🖤 правильные мысли, направит на верный путь, ⬇ отгонит воздействие диавола на вас. 🔥 В праздник Покрова и во все остальные дни 📅 Божией Матери обращаются с любыми просьбами

Молитва на Покров Пресвятой Богородицы видео

Молитвы Покрову Пресвятой Богородицы

Тропарь празднику

Днесь благовернии людие светло празднуем,
осеняеми Твоим, Богомати, пришествием,
и к Твоему взирающе пречистому образу,
умильно глаголем: покрый нас честным
Твоим Покровом и избави нас от всякаго
зла, молящи Сына Твоего, Христа Бога
нашего, спасти души наша.

Кондак празднику

Дева днесь предстоит в Церкви,
и с лики святых невидимо за ны молится
Богу: ангели со архиереи покланяются,
апостоли же со пророки ликовствуют:
нас бо ради молит Богородица Превечнаго Бога.

Величание праздника

Величаем Тя, Пресвятая Дево,
и чтим Покров Твой честный, Тя бо
виде святый Андрей на воздусе,
за ны Христу молящуюся.

Молитва первая

О, Пресвятая Дево, Мати Господа вышних
сил, небесе и земли Царице, града
и страны нашея Всемощная Заступнице!

 

Приими хвалебно-благодарственное пение
сие от нас, недостойных раб Твоих,
и вознеси молитвы наша ко Престолу
Бога Сына Твоего, да милостив будет
неправдам нашим, и пробавит благодать
Свою чтущим всечестное имя Твое
и с верою и любовию покланяющимся
чудотворному образу Твоему.

 

Несмы бо достойни от Него помиловани быти,
аще не Ты умилостивиши Его о нас,
Владычице, яко вся Тебе от Него возможна суть.

 

Сего ради к Тебе прибегаем, яко
к несомненней и скорей Заступнице нашей:
услыши нас, молящихся Тебе, осени нас
вседержавным покровом Твоим,
и испроси у Бога Сына Твоего:
пастырем нашим ревность и бдение о душах,
градоправителем мудрость и силу,
судиям правду и нелицеприятие,
наставником разум и смиренномудрие,
супругом любовь и согласие, чадом послушание,
обидимым терпение, обидящим страх Божий,
скорбящим благодушие, радующимся воздержание,
всем же нам дух разума и благочестия,
дух милосердия и кротости, дух чистоты и правды.

 

Ей, Госпоже Пресвятая, умилосердися
на немощныя люди Твоя; разсеянныя собери,
заблуждшия на путь правый настави,
старость поддержи, юныя уцеломудри,
младенцы воспитай, и призри на всех нас
призрением милостиваго Твоего заступления,
воздвигни нас из глубины греховныя
и просвети сердечныя очи наша
ко зрению спасения, милостива нам буди
зде и тамо, в стране земнаго пришельствия
и на страшнем суде Сына Твоего;

 

преставльшияся же в вере и покаянии
от жития сего отцы и братию нашу
в вечней жизни со Ангелы и со всеми
святыми жити сотвори.

Ты бо еси, Госпоже, Слава небесных
и Упование земных, Ты по Бозе наша Надежда
и Заступница всех, притекающих к Тебе с верою.

 

К Тебе убо молимся, и Тебе,
яко Всемогущей Помощнице, сами себе
и друг друга и весь живот наш предаем,
ныне и присно и во веки веков. Аминь.

Перевод

О, Пресвятая Дева, Матерь Господина
вышних сил, неба и земли Царица,
града и страны нашей Заступница!

 

Прими это хвалебно-благодарственное
пение от нас, недостойных Твоих рабов,
и вознеси наши молитвы к Престолу Бога
Сына Твоего, да будет Он милостив
к нашим беззакониям, да дарует Свою
благодать чтущим всечестное Твоё имя
и поклоняющимся с верой и любовью
чудотворному Твоему образу.

 

Ибо мы недостойны быть помилованными Им,
если Ты не умилостивишь его, Владычица,
так как все Твое возможно в Нем.

 

Потому прибегаем к Тебе, осени нас своим
державным покровом, и испроси у Бога
Сына Твоего: нашим пастырям – ревность
и бодрствование о наших душах,
градоправителям – мудрость и силу,
судьям – правду и нелицеприятие,
наставникам – разум и смиренномудрие,
супругам – любовь и согласие,
детям – послушание,
обиженным – терпение,
обижающим – страх Божий,
находящимся в скорби – благодушие,
радующимся – сдержанность,
и всем же нам даровать дух разума
и благочестия, дух милосердия и кротости,
дух чистоты и правды.

 

Так, Пресвятая Госпожа, будь милосердна
к Твоим грешным людям; собери разрозненных,
направь на путь заблудших, поддержи пожилых,
укрепи в целомудрии молодых, воспитай младенцев,
обратись к нам Своим милостивым заступничеством,
подними нас из греховной глубины
и просвети наши сердечные очи,
чтобы мы видели спасение,
будь к нам милостива и здесь и там –
в стране земного пришествия
и на страшном суде Сына Твоего.

 

Почивших же отцов и братию нашу в вере
и покаянии даруй жизнь с Ангелами и всеми святыми.

Ибо ты, Госпожа, Слава небесных
и Упование земных, по Божьей Воле
Ты наша Надежда и Заступница всех,
кто обращается к Тебе с верой.

 

Итак, мы молимся Тебе, и Тебе,
как Всемогущей Помощнице, сами себя
и друг друга и всю жизнь нашу доверяем,
сейчас и навсегда и в веки веков.

Аминь.

Молитва вторая

Царице моя Преблагая, Надеждо моя Пресвятая,
приятелище сирым и странным Заступнице,
бедствующих помоще и озлобляемых покрове,
зриши мою напасть, зриши мою скорбь:
отвсюду искушением одержим есмь,
а заступающаго несть.

 

Ты убо сама помози ми яко немощну,
окорми мя яко странна, настави яко
заблуждша, уврачуй и спаси яко безнадежна.

Не имам бо иныя помощи, ни инаго
предстательства, ни утешения,
токмо Тебе, о Мати всех скорбящих
и обремененных!

 

Призри убо на мя, грешнаго
и во озлоблении сущаго, и покрый мя
пресвятым омофором Твоим, да избавлен
буду от зол, мя обышедших, и восхвалю
выну препетое имя Твое. Аминь.

Покров Пресвятой Богородицы что за день

14 октября Святая Церковь празднует великий праздник — Покров Пресвятой Богородицы!

Покровский праздник был на Руси одним из самых любимых. Таким он остается и сейчас.

Покров Богородицы, было установлено отмечать после чуда во Влахернском храме Константинополя, случившегося в 10 столетии.

Храм Пресвятой Богородицы во Влахернах был построен в 5 веке императором Львом Великим для того, чтобы в нём хранить привезённые из Палестины Честные ризы Приснодевы Марии. Вместе с одеждами в золотом ковчеге лежал и Омофор Всецарицы — большое покрывало, которое Матерь Божья при жизни Своей носила на голове.

Пред ковчегом постоянно собирались толпы молящихся. Юродивый Андрей, по своему происхождению славянин, постоянно пребывал вблизи ковчега во Влахернском храме. Находясь рядом с ним, люди чувствовали особый прилив веры, благодатное тепло разливалось по душам молящихся.

Святое Предание доносит до нас, что в воскресный день первого октября, в четвёртом часу ночи, в присутствии множества народа, юродивый Андрей увидел под куполом храма Царицу Небесную. Она стояла над всеми людьми и молилась за них. Следом за Андреем Богородицу увидел его ученик Епифаний, будущий Константинопольский Патриарх Полиевкт, а затем и многие другие молящиеся.

Святой Андрей, подойдя к Епифанию, сказал:

Видишь ли ты Госпожу и Царицу мира?

Вижу, отец мой духовный, и ужасаюсь, — отвечал Епифаний.

Богоматерь молилась со слезами, потом подошла к престолу, молилась и здесь за предстоящий народ. По окончании молитвы, сняла с головы блиставшее наподобие молнии покрывало — омофор — и, держа его с великою торжественностью, распростёрла над всем стоящим народом.

Затем Пресвятая Богородица и покрывало Ее сделались невидимыми. От видения покрывала (покрова) Пресвятой Богородицы праздник и получил свое название «Покрова».

Это чудо, коему было много свидетелей, расценили как знак того, что Матерь Божия слышит молитвы верующих и покровительствует им.

Надежду на небесное покровительство Пресвятой Богородицы и выражает этот праздник, излюбленный в русском народе.

Множество русских церквей и монастырей посвящены этому дивному Богородичному празднику!

Пресвятая Богородица и поныне покрывает всех христиан, вверяющих себя Её святому предстательству перед Сыном и Богом!

Кому и чем помогает молитва Покрова Пресвятой Божьей Матери

Икона искренне молящемуся человеку может помочь во всем. Она обладает такой же божественной силой, как и другие иконы Богородицы. На сегодняшний день существует много случаев, когда молитва Небесной Деве помогала:

• в моменты наивысшей опасности — спасала;
• больному даровала исцеление;
• не имеющим крова — давала жилье;
• находящемуся в тяжелом финансовом положении — улучшала материальные состояние;
• те, кто не имел второй половинки — находили любовь.

КАК МОЛИТЬСЯ В ПРАЗДНИК ПОКРОВА

Одна из церковных молитв, читающаяся ежегодно — просьба о заступничестве Богородицы перед Господом Иисусом. Ее можно читать и ежедневно или в бедах, жизненных трудностях, тяжелых обстоятельствах:

О, Пресвятая Дево, Мати Господа вышних сил,
небесе и земли Царице, града и страны
нашея Всемощная Заступнице!

 

Приими хвалебно-благодарственное пение
сие от нас, недостойных раб Твоих,
и вознеси молитвы наша ко Престолу
Бога Сына Твоего, да милостив будет
неправдам нашим, очистит грехи наши
и прибавит благодать Свою чтущим всечестное
имя Твое, с верой и любовью поклоняющимся
чудотворному образу Твоему!

Читая молитву, креститесь при упоминании Имени Божия.

О Госпоже Пресвятая, умилосердись
на немощные люди Твоя; собери рассеянные
по Земле, заблудших в грехах на путь
праведный наставь, поддержи старость,
молодым пошли целомудрие, младенцы воспитай,
и обрати на всех нас милостивый Твой взор
и Твое заступление, подними нас
из глубины греха и просвети сердечные
очи наша ко спасению, милостивой будь
к нам и в земной жизни, и на страшном
Суде Сына Твоего; скончавшиеся же в
Православной вере от жизни сей отцов
и братья, и сродников наших в вечной
жизни с Ангелами и всеми святыми посели! Аминь.

О ЧЕМ МОЛИТЬСЯ В ПРАЗДНИК ПОКРОВА БОГОРОДИЦЫ

Праздник Покрова издавна открывал время свадеб: старались пожениться в тихое время, когда урожай уже собран, а Рождественский пост еще не начался (в постное время Таинство Венчания не совершается).

Возможно, неженатые люди всегда чувствовали себя в это время особенно одиноко: вот почему среди молодежи было принято, посещая храм на утреннем богослужении в Покров, ставить свечку с особым прошением о вступлении в брак. Незамужние девушки и женщины часто заказывают в этот день молебен Пресвятой Богородице: священник совершает его после Литургии (основного утреннего богослужения), перечисляя имена тех, кто заказывал молебен.

Кстати, и сегодня есть примета: кто из девушек раньше придет утром в храме поставит свечу с молитвой перед иконой Божией Матери, та быстрее и найдет свою любовь, встретив будущего мужа.

КАК МОЛИТЬСЯ НА ПОКРОВ ПРЕСВЯТОЙ БОГОРОДИЦЫ

Главное в молитве — обращение к Богу от всего сердца, как к своему Небесному Отцу, обращение к Богородице как к Матери и Заступнице рода человеческого. Господь и Божия Матерь управят все к лучшему, важно обратиться к ним.

Есть древняя сильная молитва ко Пресвятой Богородице, читаемая в любых обстоятельствах, можно ее и напевать:

Царице моя Преблагая, Надеждо моя Богородице!

Принимающая сирот и странников Заступница,
скорбящих Радость, обидимых Покровительница!

Ты видишь мою беду, видишь мою скорбь:
помоги мне как немощному,
управи меня, как странника.

 

Знаешь мою обиду, мои трудности —
помоги мне по Твоей воле.

Не имею я иной помощи, ни иного
заступничества, ни утешения, кроме Тебя,
о Пресвятая Мать всех нуждающихся
и обремененных!

 

Посмотри на меня, грешного и озлобленного,
покрой меня святым Твоим Покровом,
чтобы мне избавиться от зла и злых обстояний,
окружающих меня, и восхвалить всегда
имя Твое и Господа нашего! Аминь.

Искренняя молитва — залог того, что Господь вложит в ваше сердце правильные мысли, направит на верный путь, отгонит воздействие диавола на вас. В праздник Покрова и во все остальные дни Божией Матери обращаются с любыми просьбами, например

• О спасении при бедах, опасностях, катастрофах;
• Об исцелении и лечении от недугов и болезней;
• О помощи в поиске своего жилья, квартиры;
• О поддержке в бедности, улучшении материального положения;
• О муже или жене, об удачном замужестве.

Важно искренне молиться, посещать храм и богослужения в храме. Вы можете заказать молебен с акафистом Покрову Пресвятой Богородицы. Его читают ежегодно в каждом храме. Это краткое богослужение в благодарность Божией Матери за заступничество, помощь и покровительство.

Сильная защита и помощь детям и внукам, Акафист Покрову Пресвятой Богородицы

Избранней предвечным Царем, превышшей
всякаго создания, небесе и земли Царице,
пришедшей иногда во Влахернскую церковь
на молитву, достойное поклонение
с благодарением приносяще, яко
во тме сущии, под Твой светящийся
омофор с верою и умилением прибегаем.

 

Ты же, яко имущи державу непобедимую,
от всяких нас бед свобождай, да зовем Ти:

Радуйся, Радосте наша, покрый нас
от всякаго зла честным Твоим омофором.

Икос 1.

Архангел и ангел множество, с Предтечею,
Богословом и всех святых ликом сопредсташа Тебе,
Царице своей, в церкви Влахернстей
и, умиленная моления Твоя о всем мире
слышавше, со удивлением возопиша таковая:

Радуйся, Бога Отца безначальнаго
предвечное благоволение;
радуйся, Бога Сына безлетнаго
пречистое вместилище.

 

Радуйся, Бога Духа Всесвятаго избранное жилище;
радуйся, горних чинов ангельских
непрестающее удивление.

Радуйся, темных сил адских всегрозное
устрашение; радуйся, Юже на воздусе
сретают многоочитии херувими.

 

Радуйся, Ейже похвальная восписуют
шестокрилатии серафими;
радуйся, Еяже преблагому покрову и мы,
земнороднии, благодарне покланяемся.

Радуйся, Радосте наша, покрый нас
от всякаго зла честным Твоим омофором.

Кондак 2.

Видевше Тя святый Андрей со Епифанием
в церкви на воздусе за христианы Богу
молящуюся, познаша, яко Матерь
еси вознесшагося на небо Христа Бога
нашего, и, припадше на землю, радостно
покланяхуся всеблагому покрову Твоему, зовуще: Аллилуиа.

Икос 2.

Разум недоразумеваемый еси, Богородице Дево,
в защищении людей православных, сего ради
врази наши и не познают, коль сильна
есть молитва Божия Матере. Мы же,
о Твоем всемощнем заступлении добре
ведуще, сице к Тебе со умилением зовем:

 

Радуйся, премилосердая утешительнице
всех скорбящих и обремененных;
радуйся, неусыпающая наставнице всех
заблуждших и ослепленных.

Радуйся, праведно движимый гнев Божий
на нас Твоим молением скоро утоляющая;
радуйся, злыя страсти наша всемощным
мановением укрощающая.

 

Радуйся, крепкое возбуждение спящих совестей;
радуйся, нетрудное преодоление беззаконных навыков.

Радуйся, Еяже ради ад стенет
и дуси злобы трепещут;
радуйся, Еяже ради врата рая
всем нам отверзаются.

Радуйся, Радосте наша, покрый нас
от всякаго зла честным Твоим омофором.

Кондак 3.

Сила Вышняго осеняет с верою
и благоговением прибегающих к Твоему
всечестному покрову: единей бо точию Тебе,
Пресвятей и Пречистей Матери Божией,
дадеся, да всякое прошение Твое исполнится.

Тем убо всяк возраст верных славословит
Тя и Сына Твоего, зовущь: Аллилуиа.

Икос 3.

Имущи богатство милосердия неоскудное,
всем концем земли простираеши руку помощи,
Владычице: болящим — исцеление,
страждущим — ослабу,
слепым — прозрение и всем вся,
по коегождо потребе подаеши, благодарне вопиющим:

 

Радуйся, православия несокрушимая
крепосте и оградо;
радуйся, святых храмов
и олтарей первейшее украшение.

Радуйся, благочестия вернейшее ограждение;
радуйся, благосердых градоправителей
неусыпающая споспешнице.

 

Радуйся, непобедимая воеводо вождей
и воинств христианских; радуйся,
святое зерцало правды судиям немздоприимным.

Радуйся, совершенный разуме наставников
и детоводителей; радуйся, благословение
домов и семейств благочестивых.

Радуйся, Радосте наша, покрый нас
от всякаго зла честным Твоим омофором.

Кондак 4.

Бурею многих бед одержимым нам помогаеши,
Владычице: стоиши бо пред лицем олтаря Господня,
воздвигши руце Твои и молишися,
яко да нашу недостойную молитву призрит
Господь, Царь славы, и послушает
прошения призывающих имя Твое святое,
к Сыну же Твоему зовущих: Аллилуиа.

Икос 4.

Услыша Господь Бог Иисуса Навина молящася,
и повелевающа солнцу стати,
дондеже отмстит врагом.

Слышит и Твоя ныне моления Господь Иисус,
избранная палато Духа Святаго.

Темже и мы, грешнии, на Твой надеющеся
покров, Тебе, яко Божией Матери,
глаголати дерзаем:

 

Радуйся, от Солнца мысленнаго озаренная
и нас светом незаходимым просвещающая;

радуйся, сиянием пречистыя души Твоея
всю землю просветившая.

Радуйся, чистотою телесе Твоего

вся небеса возвеселившая; радуйся,

святых обителей Христовых покров и снабдение.

 

Радуйся, верных пастырей Церкве бодрость
и вразумление; радуйся, богобоязненных
иноков и инокинь наставнице.

Радуйся, невозмущаемое успокоение
благоговейных старцев; радуйся, тайное
веселие чистых дев и вдовиц.

Радуйся, Радосте наша, покрый нас
от всякаго зла честным Твоим омофором.

Кондак 5.

Боговидец Моисей во ополчении иногда
на Амалика, егда руце воздвизаше,
Израиль одолеваше, егда же руце низпущаше,
тогда Амалик побеждаше, поддержащими
же его укреплен, победи врага.

 

Ты же, о Богомати, воздевши руце Твои
на умоление, аще и никимже поддержима,
всегда побеждаеши враги христианския,
и нам щит еси непобедим, вопиющим: Аллилуиа.

Икос 5.

Видевше Тя святых собори на воздусе
в церкви Влахернстей, молебнии руце
к Сыну и Богу простирающую, радостно
со архангелы и ангелы благодарную
Ти песнь воспеша.

 

Мы же крепчайшима, паче Моисеовых рук,
дланьма Твоима укрепляеми, умильно вопием:

Радуйся, Еяже руце поддержит за всех нас
единая Ея к нам любовь и милосердие;

 

радуйся, пред Неюже врази наша, видимии
и невидимии, стояти не могут.

Радуйся, темное полчище страстей
и похотей наших прогоняющая;
радуйся, Огнь Божественный —
Христа неопально на руку Своею д
ержащая и нас, хладных, тем воспламеняющая.

 

Радуйся, воинствующих на плоть целомудрием
изрядное венчание; радуйся, подвизающихся
в посте и безмолвии присное собеседование.

 

Радуйся, изнемогающих от уныния и печали
скорая утешительнице; радуйся,
благодатию смирения и терпения снабдевающая.

Радуйся, Радосте наша, покрый нас
от всякаго зла честным Твоим омофором.

Кондак 6.

Проповедник неоскудеваемыя благодати
и милостей Твоих явися святый Роман
Сладкопевец, егда от Тебе во сне прият
свиток книжный на снедение:
тем убо умудрен, начат разумно пети
во славу Твою, святым же писати
похвальная, взывая с верою: Аллилуиа.

Икос 6.

Возсияла еси от истиннаго Солнца правды заря,
Дево Богоотроковице, просвещающая всех
премудростию Бога, Сына Твоего,
и в познание истины приводящая
зовущих Ти таковая:

Радуйся, Божию Силу и Божию Премудрость —
Христа плотию породившая;
радуйся, юродивую мудрость века сего
посрамившая, и ослепленных ею на путь
правый наставляющая.

 

Радуйся, святыя веры охранение и православных
догматов наставнице; радуйся,
нечестивых ересей и тлетворных расколов
искоренительнице.

Радуйся, тайная и неудобь предвиденная
вся добре ведущая, и имже подобает,
сказующая; радуйся, лживых провидцев
и суетная гадания посрамляющая.

 

Радуйся, в час недоумений мысль благу
на сердце полагающая; радуйся, от пагубных
начинаний и несмысленных пожеланий воспящающая.

Радуйся, Радосте наша, покрый нас
от всякаго зла честным Твоим омофором.

Кондак 7.

Хотяй долготерпеливый Всевидец Господь
явити Своего человеколюбия неизследимую
щедрот бездну, избра Тебе едину
в Матерь Себе, и сотвори Тя людем
непреодоленное защищение: да аще кто
от них и праведным судом Божиим
осуждения достоин явится, Твоим обаче
державным покровом сохраняется
на покаяние, зовый: Аллилуиа.

Икос 7.

Дивная показал еси дела Твоя в Пречистей
Матери Твоей, Господи, егда пречудный
омофор в руце Ея светящийся паче лучь
солнечных явися, имже покрываше люди,
сущия в церкви Влахернстей.

О таковем убо знамении милосердаго
Ея заступления услышавше, ужасом
и радостию одержими, вси глаголаху:

 

Радуйся, нерукотворенный омофор,
аки облак, над всем миром распростершая;
радуйся, Превечнаго Архиерея,
Сына Своего, знамение на руце Своей держащая.

Радуйся, новую милость и новую благодать
сим в Церкви Православней являющая;
радуйся, столпе облачный, от искушений
и соблазнов мира всех нас покрывающий.

 

Радуйся, столпе огненный, среди мглы
греха всем нам путь спасения показующий;
радуйся, явных благочестия
подвижников явное укрепление.

 

Радуйся, тайных среди мира рабов Божиих
тайное вразумление; радуйся, и мене,
обнаженнаго добрых дел, не оставляющая
Своим покровом и благодатию.

Радуйся, Радосте наша, покрый нас
от всякаго зла честным Твоим омофором.

Кондак 8.

Дивно Тя от небес во Влахернстей церкви
явльшуюся, ангели воспеша, апостоли
прославиша, лик святителей и преподобных,
и жен святых сословие восхвалиша,
Предтеча с Богословом поклонишася,
людие же, сущии в церкви,
с веселием вопияху: Аллилуиа.

Икос 8.

Всеми вышними и нижними владычествуя
Господь, узрев Тя в церкви Матерь Свою
стоящу и со умилением к Нему молящуюся,
рече: «проси, Мати Моя, зане не отвращуся Тебе,
но исполню вся прошения Твоя
и благодарственная сице Тебе всех пети научу»:

 

Радуйся, ковчеже завета, в немже хранится
освящение всего рода человеческаго;
радуйся, стамно пресвятая, в нейже
алчущим правды блюдется Хлеб жизни вечныя.

Радуйся, сосуде всезлатый, в немже
уготовася нас ради плоть и кровь
Божественнаго Агнца; радуйся,
оставленных врачами на Свои
всемощныя руце приемлющая.

 

Радуйся, разслабленных телом, но не
духом и верою, со одра болезни воздвизающая;
радуйся, погубляющим от недуга ум, новый
и лучший смысл подающая.

 

Радуйся, на стропотнем пути греха
и страстей нас премудре запинающая;
радуйся, жестокость нераскаяннаго
сердца нашего умиляющая.

Радуйся, Радосте наша, покрый нас
от всякаго зла честным Твоим омофором.

Кондак 9.

Все естество ангельское похвальная
приносит Тебе, истинней Божией Матери
и Заступнице всех, притекающих к Тебе,
ведуще, яко несокрушимым покровом Твоим
праведных возвеселяеши, грешных заступаеши,
бедствующих избавляеши и молишися о всех
верных, зовущих: Аллилуиа.

Икос 9.

Ветии многовещаннии, яко рыбы безгласныя,
недоумеют, како восхвалити по достоянию
великий всечестнаго Покрова Твоего праздник:
вся бо о Тебе от них глаголемая не суть
довольна к единому изчислению щедрот Твоих.
Мы же, Твоя неисчетныя благодеяния видяще,
с веселием взываем:

 

Радуйся, от язвы и всегубительства
смертнаго нас соблюдающая; радуйся,
от внезапнаго колебания земли грады
и веси сохраняющая.

Радуйся, от разлияния вод и потопления
рукою крепкою возводящая; радуйся,
от запаления огненнаго росою молитв
Твоих избавляющая.

 

Радуйся, от глада душевнаго и телеснаго
Хлебом Жизни снабдевающая; радуйся,
удары молнии и грома от главы нашея отводящая.

 

Радуйся, от нашествия иноплеменник
и тайных убийц спасающая;
радуйся, от домашния брани и вражды
единокровных миром и любовию ограждающая.

Радуйся, Радосте наша, покрый нас
от всякаго зла честным Твоим омофором.

Кондак 10.

Спасти хотяй род человеческий от прелести
вражия человеколюбец Господь Тебе,
Матерь Свою, дарова земным нам в помощь,
покров и защиту, да будеши печальным утешение,
скорбящим радование, обидимым заступница,
и да всех из глубины греховныя воздвигнеши,
поющих: Аллилуиа.

Икос 10.

«Царю Небесный — глаголаше в молитве
на воздусе со ангелы стоящая Всенепорочная
Царица, — приими всякаго человека,
молящаяся к Тебе и призывающа имя Мое
на помощь, да не отыдет от лика Моего тощь
и неуслышан». Сию всеблагую молитву
слышавше, собори святых благодарне возопиша:

 

Радуйся, чистых руками и сердцем
земледельцев благословенными плодами венчающая;
радуйся, помоще и праведное мздовоздаяние
всем право куплю деющим.

Радуйся, клятвопреступлений и неправедных
стяжаний всенародное обличение;
радуйся, бедствующим в пути, на суше
и водах внезапное вспоможение.

 

Радуйся, безчадных родителей плодами
веры и духа веселящая; радуйся,
безматерних сирот незримая воспитательнице.

 

Радуйся, крепкая заступнице сущих
в плену и изгнании; радуйся, неусыпающая
попечительнице во узах и темнице седящих.

Радуйся, Радосте наша, покрый нас
от всякаго зла честным Твоим омофором.

Кондак 11.

Пение всеумиленное слышаще и теплей
Твоей молитве о нас внемлюще, просим Тебе,
Дево Богородице, не презри гласа рабов Твоих:
к Тебе бо в напастех и скорбех прибегаем
и пред Тобою в бедах наших слезы проливаем,
зовуще: Аллилуиа.

Икос 11.

Яко светоприемную свещу, в молитве горящую,
видяще Тя на воздусе Влахернская церковь,
согласно со множеством людей, в ней бывших,
возглашаше: «откуду мне сие, да прииде
Мати Господа моего ко мне» Святый же
Андрей со Епифанием тепле моляхуся к Тебе, зовуще:

 

Радуйся, всех даров духовных и телесных
независтная подательнице; радуйся,
полагающих начало покаяния грешников
верная предстательнице.

 

Радуйся, борющихся со страстьми
и прилогами вражиими всегдашняя споборнице;
радуйся, незримое укрощение владык
жестоких и зверонравных.

 

Радуйся, тайный покое и отрадо рабов
кротких и страждущих; радуйся,
всежеланное совершение благих супружеств.

Радуйся, матерей детородящих скорое
и безболезненное разрешение;
радуйся, в час кончины единая всем нам помощнице.

Радуйся, Радосте наша, покрый нас
от всякаго зла честным Твоим омофором.

Кондак 12.

Благодать Божественную испроси нам
у Сына Твоего и Бога, простри нам руку
помощи, отжени от нас всякаго врага
и супостата, и умири нашу жизнь,
да не погибнем люте, без покаяния,
но приими нас в вечныя кровы,
Покровительнице наша, да радующеся
Тебе зовем: Аллилуиа.

Икос 12.

Поюще Твой державный покров, хвалим Тя вси,
яко твердую предстательницу нашу,
и покланяемся Тебе, о нас молящейся:
веруем бо и надеемся, яко испросиши
у Сына Твоего и Бога благая вечная
и временная, всем с любовию вопиющим Тебе сице:

 

Радуйся, всей вселенней крепкое заступление;
радуйся, всех стихий земных и небесных освящение.

Радуйся, всех времен года благословение;
радуйся, всех наветов и искушений от мира,
плоти и диавола находящих, попрание.

 

Радуйся, нечаемое примирение ожесточенно
враждующих; радуйся, недоведомое
исправление нераскаянных грешников.

Радуйся, не отвергающая всеми презренных
и отверженных; радуйся, самих отчаянных
от рова погибели исхищающая.

Радуйся, Радосте наша, покрый нас
от всякаго зла честным Твоим омофором.

Кондак 13.

О, всепетая Мати, пречистая Госпоже, Дево Богородице!

К Тебе возвожду душевныя и телесныя очи,
к Тебе простираю разслабленныя руце
и из глубины сердца вопию: призри на веру
и смирение души моея, покрый мя всемощным
омофором Твоим, да избавлюся от всех бед
и напастей, и в час кончины моея,
о Всеблагая, предстани мне
и уготованнаго ради грехов моих избави
мучения, да выну покланяяся зову: Аллилуиа.

Этот кондак читается трижды, затем икос 1-й и кондак 1-й.

Икос 1.

Архангел и ангел множество, с Предтечею,
Богословом и всех святых ликом сопредсташа Тебе,
Царице своей, в церкви Влахернстей
и, умиленная моления Твоя о всем мире
слышавше, со удивлением возопиша таковая:

Радуйся, Бога Отца безначальнаго предвечное
благоволение; радуйся, Бога Сына безлетнаго
пречистое вместилище.

 

Радуйся, Бога Духа Всесвятаго избранное жилище;
радуйся, горних чинов ангельских непрестающее удивление.

Радуйся, темных сил адских всегрозное устрашение;
радуйся, Юже на воздусе сретают многоочитии херувими.

 

Радуйся, Ейже похвальная восписуют
шестокрилатии серафими; радуйся, Еяже
преблагому покрову и мы, земнороднии,
благодарне покланяемся.

Радуйся, Радосте наша, покрый нас
от всякаго зла честным Твоим омофором.

Кондак 1.

Избранней предвечным Царем, превышшей
всякаго создания, небесе и земли Царице,
пришедшей иногда во Влахернскую церковь
на молитву, достойное поклонение
с благодарением приносяще, яко во тме сущии,
под Твой светящийся омофор с верою
и умилением прибегаем. Ты же, яко имущи
державу непобедимую, от всяких нас бед
свобождай, да зовем Ти:

Радуйся, Радосте наша, покрый нас
от всякаго зла честным Твоим омофором.